دہشت گردی کے خلاف جنگ میں اپنی جانوں کا نذرانہ پیش کرنے والے پولیس کے افسروں اور جوانوں کو خراج عقیدت پیش کرنے کے لئے آج  ملک بھر میں یوم شہدائے پولیس منایا جا رہا ہے۔

تفصیلات کے مطابق اس موقع پر مرحومین کے لئے قرآن خوانی کے علاوہ خصوصی تقریبات کا اہتمام کیاگیا جن میں صوبے میں قیام امن کے لئے پولیس فورس کی قربانیوں کو خراج تحسین پیش کیاگیا۔

ملک بھر کی طرح پنجاب میں بھی مختلف سانحات میں جان کا نذرانہ پیش کرنے والے پولیس کے جانباز سپاہیوں کے اعزاز میں یوم شہداء منایا جارہا ہے، لاہور میں اس حوالے سے تیرہ فروری کو مال روڈ پر ہونے والے دھماکے میں شہادت پانے والے کیپٹن سید احمد مبین شہید کو محکمہ پولیس کی جانب سے سلامی پیش کی گئی۔