امریکا کی جانب سےمقبوضہ کشمیر کے حوالے سےوزیر اعظم عمران خان کے بیان کا خیر مقدم کیا گیاہے۔

تفصیلات کے مطابق امریکی نائب معاون وزیرخارجہ ایلس ویلزنےبیان جاری کرتے ہوئے کہاکہ مقبوضہ کشمیرمیں تشددسےمتعلق وزیراعظم عمران خان کاواضح اوراہم بیان قابل تعریف ہے۔

امریکی معاون وزیرخارجہ نے کہا کہ وزیراعظم عمران خان کایہ بیان اہم ہےکہ پاکستان سےشدت پسندکشمیرمیں انتشارپھیلاسکتےہیں۔

ایلس ویلزکاکہناتھا کہ عمران خان کابیان اہم ہےکہ یہ شدت پسندکشمیریوں اورپاکستان دونوں کےدشمن ہیں۔

Advertisement

Applaud PM @ImranKhanPTI’s unambiguous & important statement that militants from Pakistan who would carry out violence in Kashmir are enemies of both Kashmiris & Pakistan.We agree. Pakistan's sustained commitment to counter all terrorist groups is critical to reg. stability. AGW

— State_SCA (@State_SCA) September 19, 2019

امریکی معاون وزیرخارجہ کامزید کہنا تھاکہ پاکستان کا تمام دہشت گردگروہوں سےنمٹنےکاعزم علاقائی استحکام کیلیےاہم ہے۔

واضح رہے کہ وزیراعظم عمران خان نےبیان جاری کرتے ہوئے کہا تھا کہ کوئی بھی مقبوضہ کشمیر جاکر کارروائیاں نہ کرے، ایسا کرنے والا پاکستان اورکشمیر دونوں کا دشمن کہلائے گا۔

واضح رہے کہ گزشتہ دنوں مظفرآباد میں وزیراعظم نےریلی سے خطاب کرتے ہوئےسخت لہجہ اختیار کرتے ہوئے کہا تھا کہ بھارت کشمیر میں جو کچھ کر رہا ہے اس سے بھارت میں بسنے والے کروڑوں مسلمانوں کو یہ پیغام دیا جا رہا ہے کہ جس طرح انھوں نے کشمیر میں اکثریت کو اقلیت میں تبدیل کرنے کی کوشش کی ہے، اسی طرح اب مسلمانوں کے لیے بھی بھارت میں کوئی جگہ نہیں ہے۔

وزیراعظم کاکہناتھا کہ مودی لوگوں کو انتہاپسندی کی جانب دھکیل رہا ہے۔

ان کا کہنا تھا کہ ’بطور سفیر کشمیر دنیا بھر میں جائیں گے اور کشمیر کا معاملہ اٹھائیں گے،کشمیر کا سفیر بننے کا فیصلہ اس لیے کیا کہ میں ایک پاکستانی، ایک مسلمان اور ایک انسان ہوں، کشمیر کا مسئلہ انسانیت کا مسئلہ ہے، ہمارے کشمیری، بھائی، بہنیں اور بچے جیل میں قید ہیں۔’

وزیراعظم  کاکہناتھا کہ  وہ خاص طور پر مودی کو پیغام دینا چاہتے ہیں کہ ایک بزدل انسان صرف ایسا ظلم کرتا ہے جو آج کشمیریوں پر بھارت کی فوج کر رہی ہے، مودی جس میں انسانیت ہوتی ہے وہ کبھی ایسا نہیں کر سکتا، بہادر انسان کبھی بھی عورتوں اور بچوں پر ظلم نہیں کرتا۔

وزیراعظم نے کہا کہ مودی جتنا مرضی ظلم کرلے کامیاب نہیں ہوگا کیونکہ کشمیر کے عوام اس کے ساتھ نہیں ہیں۔