صدر آزاد کشمیر مسعود خان نے کہا کہ مقبوضہ کشمیر میں بھارتی جارحیت ہندوستان کے ٹکڑے ٹکڑے ہونے کا سبب بنے گی۔

تفصیلات کے مطا بق صدر آزاد کشمیر مسعود خان کا کہنا ہے کہ عالمی میڈیا کو مقبوضہ کشمیر میں جانے کی اجازت دی جائے تا کہ بھارتی اصل چہرہ دنیا کے سامنے آئے۔ 

مسعود خان نے کہا کہ مقبوضہ کشمیر میں انسانی حقوق کی خلاف ورزیوں اور کرفیوانسانی المیہ کی شکل اختیار کرچکے ہیں، عالمی برادری مقبوضہ کشمیر کی صورت حال پر نوٹس لے،  بھارت کشمیر کو ہضم نہیں کرسکتا پاکستانی قوم اور فوج کشمیریوں کی پشت پر ہیں، بھارتی جارحیت کے بعد پیغام پاکستان بیانیہ مزید شدت سے عام کرنے کی ضرورت ہے۔

انہوں نے کہا کہ آزاد حکومت اور عوام اقوام متحدہ سے اپیل کرتی ہے کہ انسانی حقوق کمیشن مقبوضہ کشمیر میں بھیجا جائے، عالمی میڈیا کو مقبوضہ کشمیر میں جانے کی اجازت دی جائے تاکہ بھارتی اصل چہرہ دنیا کے سامنے آئے۔