پاک فوج کے شعبہ تعلاقات عامہ (آئی ایس پی آر) کے ڈائریکٹرجنرل میجرجنرل آصف غفور نے بیان جاری کرتے ہوئے کہاہے کہ بھارت مقبوضہ کشمیرمیں صورتحال کوکنٹرول کرنے میں بری طرح ناکام ہوگیا ہے۔

ڈی جی آئی ایس پی آر کے مطابق پاک فوج بھارتی فوج کاالزام مستردکرتی ہے۔انہوں نے کہا کہ بھارتی آرمی چیف کابیان ان کی ناکامی کی عکاسی ہے۔

Irresponsible statements by Indian military commanders particularly about AJ&K are expression of their frustration due to their failure to handle situation in IOJ&K and attempts to divert world’s attention from Indian state terrorism and siege of IOJ&K.

— DG ISPR (@OfficialDGISPR) September 24, 2019

ڈی جی آئی ایس پی آر کاکہناتھاکہ بھارت دنیا کی توجہ کشمیرکی جدوجہدآزادی سےہٹاناچاہتاہے،بھارتی فوجی کمانڈرز کاآزاد کشمیر سے متعلق بیان ان کی پریشانی کا واضح ثبوت ہے۔

واضح رہےکہ بھارتی آرمی چیف جنرل بیپن راوت نےگزشتہ روزبیان جاری کرتے ہوئے کہاکہ پاکستان دہشت گردوں کوہمارے علاقے میں دھکیلنے کے لئے جنگ بندی کی خلاف ورزی کررہا ہے۔

بھارتی آرمی چیف کی پاکستان  کیخلاف گیدڑ بھپکیوں میں کہا گیا کہ ہم جانتے ہیں کہ سیز فائر کی خلاف ورزیوں سے کس طرح نمٹنا ہے ،ہماری فوج جانتی ہے کہ خود کو کس طرح پوزیشن میں رکھنا ہے اور کارروائی کرنا ہے۔

 بھارتی آرمی چیف نے جھوٹ کا پلندا پاکستان کے سر ڈالنے کی ناکام کوشش کرتے ہوئے مزید کہا کہ  ہم چوکنا ہیں اور یقینی بنائیں گے کہ زیادہ سے زیادہ دراندازی کی کوششیں ناکام بنادیں۔

انہوں نے مزید کہاکہ پاکستان میں وادی کشمیر میں دہشت گردوں اور ان کے سہولت کاروں کے مابین مواصلات کی خرابی ہو رہی ہے لیکن لوگوں کے مابین کوئی مواصلاتی خرابی نہیں ہے۔

بھارتی آرمی چیف نے کہاکہ  مجھے لگتا ہے کہ اسلام کی تشریح کچھ ایسے عناصر کر رہے ہیں جو ممکنہ طور پر خلل پیدا کرنا چاہتے ہیں۔

انہوں نے اپنے خیالات کا اظہار کرتے ہوئے کہا کہ میرے خیال میں یہ ضروری ہے کہ ہمارے پاس مبلغین ہوں جو اسلام کے صحیح معنی بیان پیش کریں ۔

 بھارتی آرمی چیف کا کہناہے کہ بالاکوٹ کو حال ہی میں پاکستان نے دوبارہ فعال کیا ہے اس سے پتہ چلتا ہے کہ بالاکوٹ شدیدمتاثر ہوا۔