وفاقی وزیرفیصل واوڈا نے کہاہے کہ شہرقائدکامسئلہ تمام جماعتوں کومل جل کرحل کرناہوگا، میری خواہش ہےکراچی کیلئےمل کرکام کیاجائے۔

کراچی میں پریس کانفرنس کرتے ہوئے فیصل واوڈا کا کہناتھا کہ تمام جماعتوں کوسیاست سے بالاتر ہوکر کراچی کیلئے کام کرنا ہوگا۔

وفاقی وزیرنے کہا کہ تمام جماعتوں کےمینڈیٹ کااحترام کرتا ہوں اور چاہتا ہوں کہ سب ایک ہوکرکراچی کے بارے میں سوچیں۔

انھوں نے کہا کہ صوبائی حکومت کوکراچی کیلئے اربوں روپےملے مگر کام زیرو رہا۔ میں بلدیہ کے اندر تمام متعلقہ اداروں کولےکرآیا، بلدیہ ٹاؤن میں تھوڑا بہت بھی جو کام ہوا ہے وہ 35سال بعد ہو رہاہے۔

وفاقی وزیرفیصل واوڈا نےمزیدکہا کہ بلدیہ ٹاؤن کو سوئٹزرلینڈبنانےکا وعدہ نہیں کرسکتالیکن ایسی جگہ ضرور بناسکتےہیں جہاں انسان رہ سکتےہوں۔

وفاقی وزیرکامزیدکہناتھاکہ تمام جماعتوں کو معلوم ہے کہ کریڈٹ لینے کے چکر میں عوام مشکل میں ہے۔ سب کومل کر سوچنا چاہیئےکہ  ایک دوسرےکے جھگڑوں سے لوگوں کونقصان ہوتاہے۔