وزیراعظم عمران خان کی دوطرفہ 18 ملاقاتوں کا شیڈول تیارکرلیا گیا۔

وزیراعظم 21 سے 27 ستمبرنیویارک کا دورہ کریں گے۔

وزیراعظم 10 سے زائد ممالک کےسربراہان سےملاقات بھی کریں گے جس میں عمران خان امریکا میں ورلڈ بینک کے صدر سے بھی ملیں گے۔

اسکےعلاوہ مائیکرو سافٹ کے سربراہ بل گیٹس سے بھی ملاقات طے ہے۔

ترجمان دفترخارجہ ڈاکٹرمحمد فیصل کا وزیراعظم کے دورہ کے حوالے سے کہنا ہے کہ وزیراعظم عمران خان مختلف ممالک کےسربراہان سے ملاقاتیں کریں گے۔

ترجمان دفترخارجہ کاکہناتھاکہ وزیراعظم موسمیاتی تبدیلی، پائیدار ترقی، ہیلتھ اور فنانسنگ پر اقوام متحدہ سربراہ کانفرنس میں شرکت کرینگے۔

جبکہ وزیراعظم اقوام متحدہ جنرل اجلاس میں پاکستان کےاعلی سطح  وفد کی قیادت کرینگےاور 27 ستمبرکو جنرل اسمبلی کے اجلاس سے خطاب کریں گے۔ وزیرخارجہ شاہ محمود قریشی بھی جنرل اسمبلی کےاجلاس میں شریک ہوں گے۔

وزیراعظم جمعرات 19 ستمبرکو دو روزہ  دورے پرسعودی عرب پہنچے تھے جہاں ان کی سعودی ولی عہد محمد بن سلمان سے ملاقات ہوئی تھی۔

جمعہ 20 ستمبر کو عمران خان نے اپنی اہلیہ کے ہمراہ عمرہ بھی ادا کیا۔