وزیر خارجہ شاہ محمود قریشی نے کہا ہے کہ چین اور پاکستان کے درمیان اعتماد کا مضبوط رشتہ قائم ہے۔

 بیجنگ میں پریس کانفرنس میں وزیر خارجہ شاہ محمود قریشی نے کہا کہ وزیر اعظم عمران خان کا چین کا یہ تیسرا دورہ ہے اور چین نے وزیر اعظم کا بڑی گرم جوشی سے استقبال کیا ہے۔

شاہ محمود قریشی نے کہا کہ دونوں ملک اہم علاقائی اور عالمی امور پر ایک دوسرے کو اعتماد میں لیتے ہیں اور چاہتے ہیں کہ چین کے زیادہ سے زیادہ لوگ پاکستان میں سرمایہ کاری کریں، چین کے ساتھ معاشی تعلقات میں وسعت چاہتے ہیں۔

انکا کہنا تھا کہ سی پیک سے پاکستان اور چین سمیت پورا خطہ مستفید ہوگا اور پاکستان میں سرمایہ کاروں کو پرکشش مواقع فراہم کررہے ہیں جبکہ سی پیک سے افغانستان کو بھی فائدہ ہوگا۔

شاہ محمود قریشی نے بتایا کہ چینی قیادت کے ساتھ معاشی اورعلاقائی صورت حال پربات چیت ہوئی ہے۔