پاکستان اور بھارت کے درمیان تاریخی کرتاپور راہداری معاہدے پر دستخط ہوگئےہیں۔

تفصیلات کے مطابق دستخط کیے جانے کی تقریب کرتارپور راہداری زیرولائن پر ہوئی، پاکستان کی جانب سے دفتر خارجہ کے ترجمان ڈاکٹر محمد فیصل نے  دستخط کیے۔

ذرائع کے مطابق کرتارپورراہداری پر سکھ یاتریوں کی آمد اور واپسی کے اوقات، داخلہ فیس سمیت دیگر معاملات کو حتمی شکل دی گئی، پاکستان کی جانب سے کرتاپور راہداری کا پہلا فیز مکمل ہوگیا ہے اور وزیراعظم عمران خان 9 نومبر کو اس کا افتتاح کریں گے۔

Reaching Kartarpur Sahib for signing of historic Pakistan India Agreement on opening of corridor. PM Khan will inaugurate the Kartarpur Sahib corridor in Narowal, Pakistan on 9 November insha allah. #pakistankartarpurspirit

Advertisement

— Dr Mohammad Faisal (@DrMFaisal) October 24, 2019

افتتاحی تقریب میں وزیراعظم عمران خان شرکت کریں گے اور توقع کی جا رہی ہے کہ بھارت کے سابق وزیراعظم من موہن سنگھ بھی سکھوں کے پہلے جتھے کیساتھ پاکستان تشریف لائیں گے۔

واضح رہے کہ وزیراعظم پاکستان عمران خان نے 28 نومبر 2018 کو کرتارپور راہداری کے کام کا افتتاح کیا تھا جو 90 فیصد سے زیادہ مکمل کرلیا گیا ہے۔

گذشتہ دن ترجمان دفترخارجہ ڈاکٹر فیصل کا کہنا تھا کہ پاکستان کرتارپور کوریڈور کے تمام انتظامات مکمل کرچکا ہے، کوشش ہے کرتارپور راہداری معاہدے پر کل دستخط ہوجائیں، سفارتکاروں کے دورہ ایل اوسی سے صورتحال دنیا کے سامنے آگئی ہے۔

کرتارپور راہداری کے حوالے سے ترجمان دفترخارجہ نے کہا کہ ہر سکھ یاتری 20ڈالرفیس کے طور پر ادا کرے گا، کوشش ہے کرتارپورراہداری کھولنے کے معاہدے پر آج دستخط ہوجائیں، کرتار پور کاریڈور سے متعلق انتظامات مکمل ہیں، دستخط کے ساتھ ہی معاہدہ بھی سب کے سامنے لایا جائے گا۔