چئیرمین پا کستان پیپلز پارٹی بلاول بھٹو زرداری نے سانحہ تیز گام پر گہرے صدمے کا اظہارکیا ہے۔

تفصیلات کے مطا بق بلاول بھٹو زرداری نے سانحہ تیز گام پر گہرے صدمے کا اظہارکر تے ہوئے کہا کہ پیپلز پارٹی کے عہدیدار اور کارکن زخمیوں کی بھرپور مدد کریں۔

بلاول بھٹو زرداری نے سا نحے پر با ت کر تے ہوئے حکو مت سے مطالبہ کیا ہے کہ حکومت جاں بحق افراد کو معاوضہ ادا کرے اور زخمیوں کے بہتر علاج کا بندوبست کرے۔

وزیر ریلوے شیخ رشید اپنی کوتاہی کا ذمہ دار مسافروں کو بنانا چھوڑیں، ان کے دور وزارت میں سب سے زیادہ حادثات ہوئے ہیں۔ وزیراعظم الیکشن سے قبل کیا گیا وعدہ نبھائیں۔

بلاول بھٹو نے حکومت سے مطالبہ کیا کہ واقعے کی انکوائری تک وزیر ریلوے کو عہدے سے معطل کر دیا جائے۔

وا ضح رہے کہ صوبہ پنجاب کے شہر لیاقت پور کے قریب تیز گام ٹرین کی 3 بوگیوں میں آگ لگ گئی جس کے نتیجے میں اب تک 65 افراد جاں بحق اور متعدد زخمی ہوگئے ہیں۔

کراچی سے لاہور جانے والی تیز گام ٹرین کی 3 بوگیوں میں آگ لگ گئی، حادثے میں 65 افراد جان کی بازی ہار گئے جبکہ متعدد مسافروں کی حالت تشویش ناک ہے۔
ڈی سی رحیم یار خان کے مطابق آگ سلینڈر پھٹنے کے باعث لگی ، زخمیوں کو طبی امداد کے لیے احمد پور شرقیہ، بہاولپور اسپتال منتقل کیا جا رہا ہے۔

ایم ایس ڈی ایچ کیو لیاقت پور کے مطابق شدید زخمیوں کو شیخ زید اسپتال منتقل کیا گیا ہے۔

وفاقی وزیر ریلوے شیخ رشید احمدنے لیاقت پور ٹرین حادثے میں جاں بحق و زخمی ہو نے والے افراد کی مالی امداد کا اعلان کر دیا ہے۔