وزیر اعظم عمران خان نے کہا کہ مدارس اصلاحات پر مولانا زیادہ پریشان ہیں جسکی وجہ سے اب مولانا فضل الرحمان اپنی ڈوبتی سیاست بچا رہے ہیں۔

تفصیلات کے مطابق اسلام آباد میں وزیر اعظم عمران خان کی زیر صدارت حکومتی و پارٹی ترجمانوں کا اجلاس ہوا جس میں ملکی سیاسی اور معاشی صورتحال کا جائزہ لیا گیا، مشیر خزانہ حفیظ شیخ نے موجودہ معاشی صورتحالاور معیشت کی بحالی کے لیے اقدامات پر بریفنگ دی۔

اپوزیشن کےاحتجاج کے متعلق وزیر ااعظم عمران خان نے کہا کہ احتساب کے معاملے پر کوئی کمپرومائز نہیں ہوگا اور نہ کسی سے ڈیل ہوگی۔

انہوں نے مزید بتایا کہ اپوزیشن کا احتجاج اور مارچ بلیک میلنگ کے لیے ہے, وہ مدارس اصلاحات پر زیادہ پریشان ہیں کیونکہ مدارس میں اصلاحات کے بعد طلباء ایسے سیاسی مقاصد کے لیے استعمال نہیں ہو سکیں گے۔

اجلاس میں فردوس عاشق اعوان،عمر چیمہ،زرتاج گل،شفقت محمود سمیت دیگر موجود تھے۔