وزیر اعظم عمران خان نے کامیابب جوان پروگرام کا افتتاح کردیا۔

اسلام آباد میں وزیر اعظم عمران خان نے کامیاب جوان پروگرام سے خطاب کرتے ہوئے کہا کہ کامیاب جوان پروگرام کی سب سے اہم چیز میرٹ ہے۔

عمران خان کے کہا کہ 10 لاکھ نوجوان کو اس پروگرام کے ذریعے قرضے دیئے جائیگے اور یہ قرضے نوجوانوں کیلیے ہیں جس میں 25 ارب صرف خواتین کیلیے ہوں گے اور اس پروگرام کو میں خود مانیٹر کرونگا۔

وزیر اعظم کا کہنا تھا کہ مسلمان جمہوری کلچر سے بادشاہت کی طرف چلے گئے تھے اور بادشاہت کےنظام میں میرٹ نہیں ہوتا لیکن دنیا میں وہ قومیں آگے بڑھتیں ہیں جس میں میرٹ کا سسٹم ہوتا ہے۔

انہوں نے کہا کہ جمہوریت اپنانے سے مغربی دنیا آگے چلی گئی اور ریاست مدینہ میرٹ کی وجہ سےعظیم ریاست بنی جبکہ قائداعظم نے اپنے خطاب میں کہا تھا میرٹ کو لانا ہے اور کرپشن سے بچنا ہے۔

اپنے خطاب میں عمران خان نے کہا کہ یاد رکھنا بڑا خواب اور بڑی سوچ رکھنا کیونکہ دنیا اس انسان کو یاد رکھتی ہے جو انسانوں کے لیے کچھ کرکے جاتا ہے، بڑا انسان بننا ہے تو حضرت محمد ﷺ کی زندگی کوبار بار پڑھو، سمجھو وہ کیا ہیں۔