کراچی میں اسٹریٹ کرائمز میں اضافے کے ساتھ ساتھ  ٹارگٹ کلنگ میں بھی اضافہ ہونے لگا ہے۔

تفصیلات کے مطابق کراچی میں فائرنگ کر کے آصف ہاروں عرف چکلی نامی شخص کو قتل کردیا گیا، پولیس حکام  کا کہنا ہے کہ آصف چکلی جوا اور سٹے میں ملوث تھا اس نے کچھ عرصہ پہلے تحریک انصاف میں شمولیت اختیار کی تھی۔

 پولیس نے تحقیقات کا عمل شروع کردیا ہے جبکہ واقعے کی جگہ سے گولیوں کے خول اکٹھے کر لیے گئے ہیں اور ملزمان کی شناخت کے لیے سی سی ٹی وی فوٹیجز سے بھی مدد لی جائے گی۔

 دوسری جانب شاہراہ پاکستان پر پی ٹی آئی کارکنوں کی جانب سے کارکن آصف ہارون عرف آصف چکلی کے قتل پر احتجاجی مظاہرہ کیا جارہا ہے۔

ایم پی اے خرم شیر زمان، عمران علی شاہ، ارسان تاج، راجا اظہر بھی احتجاجی مظاہرے میں شریک ہیں جبکہ پی ٹی آئی کے رہنما خرم شیر زمان نے آصف چکلی کے قتل کی مذمت کرتے ہوئے مطالبہ کیا کہ پولیس اور متعلقہ ادارے ذمہ داروں کے خلاف فوری کارروائی کرے۔