عید میلاد النبیﷺ کے موقع پر صدر پاکستان ڈاکٹرعارف علوی نے قوم کو مبارکباد دیتے ہوئے کہا ہے کہ ہمیں حضرت محمدﷺ کی تعلیمات پرعمل کرتے ہوئے ملک میں امن واستحکام یقینی بنانا چاہیے۔

تفصیلات کے مطابق صدرمملکت عارف علوی نے عید میلاد النبیﷺ کے موقع پر اپنے پیغام میں حضرت محمد ﷺ کی تعلیمات کی پیروی کر نے اور انسانیت کی فلاح کے لیے ان کے اسوہ حسنہ کے فروغ پرزور دیا ۔

ذرائع کے مطا بق صدر ڈاکٹر عارف علوی کا کہنا ہےکہ ہمیں پیغمبراسلام حضرت محمد ﷺ کے پیروکار ہونے کے ناطے اور ان کی تعلیمات پرعمل کرتے ہوئے ملک میں امن واستحکام یقینی بنایا چاہی، دشمنوں نے بھی آپ ﷺکو صادق اور امین کا لقب دیا۔

وا ضح رہے کہ وزیراعظم پاکستان عمران خان نے اپنے پیغام میں عید میلاد النبیﷺ کے موقع پر پوری قوم کو مبارکباد دی اور ملک میں محبت، امن اور ہم آہنگی کی فضا پیدا کرنے کے لیے محسن انسانیت حضرت محمد ﷺ کی سیرت طیبہ پرعمل کی اہمیت واضح کی۔

آج دنیا بھر میں اللہ کے نبیﷺ کی ولادت پر جشن کا سماں ہے، عاشقان رسول اپنی محبت اور عقیدت کا اظہار کررہے ہیں۔

لاہور میں پاک فوج کے چاق وچوبند دستے نے اکیس توپوں کی سلامی دی، فضائیں اللہ اکبر کے فلک شگاف نعروں سے گونج اٹھیں، ملک بھر کی مساجد میں نماز فجر کے بعد پاکستان میں امن و سلامتی کے لیے خصوصی دعائیں کی گئیں۔