لاہور سے اسلام آباد جانے والی پاکستان انٹرنیشنل ائیر لائن کی پرواز حادثے سے بال بال بچ گئی۔

تفصیلات کے مطابق ذرائع کا کہناہےکہ پی کے 650 کےانجن میں اچانک خرابی پیداہوئی تاہم پائلٹ نےمہارت سےطیارےکواسلام آباد ایئرپورٹ پرلینڈ کیا۔

 زرائع کےمطابق  جہازمیں عملےکےعلاوہ 38 مسافرسوارتھے،تمام محفوظ رہے۔

ترجمان پی آئی اے کا کہنا ہے کہ انجن میں کچھ چیز چلی گئی ، جس سے خرابی پیدا ہوئی ، پائلٹ نے خراب انجن کو سوئچ آف کرکے دوسرےانجن کی مدد سے طیارے کو لینڈ کرایا، طیارہ خیریت سے لینڈ ہوا تمام مسافر محفوظ ہیں۔

واضح رہےکہ چندروز قبل کراچی میں ایئرٹریفک کنٹرولرنےکمال مہارت کامظاہرہ کرتے ہوئے غیرملکی طیارے کو بڑے حادثے سے بچا لیا تھا، جہاز میں 150 سے زائد مسافر سوار تھے۔

ذرائع کا کہنا تھا کہ طیارہ بھارتی فضائی حدود سے ہوتا ہوا کراچی ریجن میں داخل ہوا اور سندھ کے علاقے چھوڑکے مقام پر طیارہ آسمانی بجلی کی زد میں آیاتھا،ایئر ٹریفک کنٹرولرنے مکمل رہنمائی کرتے ہوئے طیارے کو حادثے سے بچایاتھا ۔