زرائع پا کستان انٹر نیشنل ائیر لائن کے مطا بق شعبہ میڈیکل فنانس میں میڈیکل بلوں سے متعلق پی آئی اے انتظامیہ نے نئے احکامات دے دیے ہیں۔

تفصیلات کے مطابق بول نیوز کی جانب سے قومی ادارے پی آئی اے میں کرپشن کی نشان دہی کیے جانے پر سی ای او پی آئی اے نے ایکشن لیتے ہو ئے ایرمارشل ارشد ملک نے شعبہ میڈیکل فنانس کے ڈپٹی جی ایم محمد مسیح، منیجر اطہر انعام ملک کے خلاف تحقیقات کا حکم دے دیا ہے۔

زرائع پی آئی اے کے مطابق ملازمین کے تمام میڈیکل بلز کمپیوٹر پر ای آرپی سسٹم کے ذریعے منظور کیے جائیں گے،ای آر پی کے زریعے ری امبرسمینٹ کے میڈیکل بلز جان بوجھ کر منظور نہ کرنے کی شکایات تھیں۔

پی آئی اے کے ذرائع کے مطابق ای آر پی سسٹم کو ناکام بنانے اور مبینہ کرپشن کے لیے مینیوئل طریقے سے بھاری میڈیکل بلوں کی منظوری دی جاتی تھی جبکہ شعبہ میڈیکل فنانس کے افسران کے خلاف صرف من پسند افراد کے بھاری میڈیکل بلز منظوری کی شکایت سامنے آئی ۔

زرائع پی آئی اے بول نیوز کی خبر پر ایکشن لیتے ہوئے شعبہ میڈیکل فنانس نیا ڈپٹی جی ایم تعینات کرنے پر غورکر رہا ہے۔

ایف آئی اے شعبہ میڈیکل میں مبینہ کرپشن کی تحقیقات بھی کر رہا ہے جبکہ شعبہ میڈیکل میں جعلی بلوں کے ذریعے پی آئی اے افسران کی ملی بھگت سے ادارے کو نقصان پہنچایا گیا تھا۔

پی آئی اے زرائع کے مطابق ایف آئی اے کارپوریٹ کرائم سرکل اسکی تحقیقات کر رہا ہے، بول نیوز نے شعبہ میڈیکل فنانس میں افسران کی شکایات کا معاملہ بھی اٹھایا تھا۔

وا ضح رہے کہ بول نیوز کی جانب سے قومی ادارے میں کرپشن کی نشان دہی کیے جانے پر سی ای او پا کستان انٹر نیشنل ائیر لائن نے ایکشن لیا تھا۔

اس کے ساتھ ساتھ ایرمارشل ارشد ملک نے شعبہ میڈیکل فنانس کے ڈپٹی جی ایم محمد مسیح، منیجر اطہر انعام ملک کے خلاف تحقیقات کا بھی حکم دیا ۔

بول نیوز سے خصوصی گفتگو میں سی ای او پی آئی اے ایئر مارشل ارشد ملک کا کہنا تھا کہ قومی ادارے میں کرپشن میں ملوث افسران کو نہیں چھوڑا جائے گا۔
انہو ں نے مزید کہا کہ کسی کو بیرون ملک بھاگنے نہیں دیا جائے گا۔

شعبہ میڈیکل فنانس میں کرپشن میں ملوث افسران کو بیرون ملک بھاگنے کی خبر بول نیوز پر نشر ہوئی تھی جس کے بعد پا کستان انٹر نیشنل ائیر لائن کے سی ای او نے فوری ایکشن لے لیا۔