وزیراعظم عمران خان نے وفاقی کابینہ میں ردوبدل کے معاملے پر ایک بار پھر غور شروع کردیا ہے۔

تفصیلات کے مطابق وزیراعظم عمران خان نے ایک بار پھر وفاقی کابینہ میں ردوبدل کا فیصلہ کرلیا ہے جبکہ اس حوالے سے کور کمیٹی میں بھی مشاورت کی جائے گی۔

کابینہ میں ردوبدل کا فیصلہ کچھ وزارتوں میں ناقص کارکردگی پر کیا گیا ہے۔

ذرائع کے مطابق وزیراعظم عمران خان نے کابینہ میں ردوبدل کافیصلہ کچھ عرصے قبل ہی کرلیا تھا تاہم اسلام آباد دھرنے اور سیاسی صورتحال کے باعث فیصلہ موخر کیا گیا ۔

کچھ نئے لوگوں کو کابینہ میں شامل کرکے پرانے وزراء کو فارغ کیا جائے گا۔

واضح رہے رواں سال اپریل کے مہینے میں بھی وزیراعظم نے وفاقی کابینہ میں بڑی تبدیلیاں کرتے ہوئے کئی وزرا کے قلم دان تبدیل کردیئے تھے۔
فوادچوہدری کوسائنس و ٹیکنالوجی اور غلام سرور کو ایوی ایشن کی وزارت دی گئی جبکہ میاں محمد سومرو سے ایوی ایشن کا اضافی چارج واپس لے لیا گیا تھا۔