وزیراعلیٰ پنجاب سردارعثمان بزدار کی زیرصدارت صوبائی کابینہ کا اجلاس آج ہوگا۔

تفصیلات کے مطا بق وزیراعلیٰ پنجاب سردار عثمان بزدار کی زیرصدارت صوبائی کابینہ کا اجلاس آج ہوگا، اجلاس میں 22 نکاتی ایجنڈا زیرغور آئے گا۔

ذرائع کے مطا بق سردار عثمان بزدار کی زیر صدارت اجلاس میں صوبائی وزرا، مشیران، معاونین خصوصی، چیف سیکریٹری و دیگرشریک ہوں گے۔

واضح رہے کہ دودن قبل وزیراعلیٰ پنجاب عثمان بزدار نے اعلیٰ سطح اجلاس کی صدارت کی تھی، اس دوران فیصلہ کیا گیا کہ پنجاب میں اب پٹواری کے عہدے کا نام تبدیل کرکے ولیج آفیسر رکھا جا ئے گا جبکہ ولیج آفیسر کو 14واں اسکیل ملے گا۔

ذرائع کے مطا بق ولیج آفیسر کے لیے بھرتی کے بعد 6 ماہ کی تربیت بھی لازم ہوگی۔

وزیراعلیٰ پنجاب نے حکم دیا تھا کہ لینڈ ریکارڈ سینٹرز پر ادائیگی کے لیے بینک کا کاؤنٹر بنایا جائے، رشوت لینے والے افسروں واہلکاروں کی جگہ جیل ہے، کسی صورت پیسے لینے سے متعلق شکایت برداشت نہیں کروں گا۔