گوادر میں اسپیڈ بوٹس سے منشیات کی بڑی کیپ پکڑی گئی۔

انٹی نارکو ٹکس زرائع کے مطابق خفیہ اطلاع پر پاک نیوی، پاکستان میری ٹائم سیکورٹی ایجنسی اور انٹی نارکو ٹکس فورس کا پشکان کے کھلے سمندر میں مشترکہ کاروائی کرتے ہوئے منشیات کی بڑی کیپ پکڑلی گئی۔

 منشیات میں 241 کلو گرام ہیروین اور  2 کلو گرام ہیش بھی شامل ہیں جبکہ پکڑی گئی منشیات کی بین الاقوامی مارکیٹ میں قیمت 2410 ملین روپے ہے۔

واضح رہے کہ اس سے قبل پاکستان کوسٹ گارڈز نے پسنی(بلوچستان) کے قریب واقع بدوک چیک پوسٹ پر دوران چیکنگ ایک کارمیں خفیہ طریقے سے چھپائی گئی 10 کلو گرام اعلی کوالٹی کی چرس اور12 کلو گرام اعلی کوالٹی کی افیون برآمد کرکے دوافراد کو گرفتار کیا تھا۔

جبکہ ایک اور کاروائی کے دوران وندرمیں واقع باغیچوں کے اندر چھپاٰٗئی گئی3955 کلو گرام چھالیہ برآمد کی تھی اور  پکڑی جانے والی منشیات اورچھالیہ کی عالمی مارکیٹ میں مالیت تقریبا 160.51ملین روپے کے لگ بھگ تھی۔

اس سے متعلق وزیر انسداد منشیات شہریار آفریدی کی اقوام متحدہ میں یورپی سفیر سے ملاقات بھی ہوئی تھی۔