ہالینڈ کی ملکہ ’کوئین میکسیما‘ نومبرکے آخر میں پاکستان کا دورہ کریں گی۔

تفصیلات کے مطابق ملکہ میکسیما 25 سے27 نومبر تک پاکستان کا دورہ کریں گی۔

ملکہ میکسیماکا یہ دورہ اقوام متحدہ کی مالیاتی شمولیت برائے ترقی کی خصوصی نمائندہ کے طور پر ہوگا۔

ذرائع کے مطابق دورے کے دوران ملکہ میکسیما مالیاتی سروسز تک رسائی میں پیش رفت پربات چیت کریں گی اور وہ یہ دورہ حکومت پاکستان کی دعوت پر کررہی ہیں۔

ذرائع کاکہناہے کہ وزیراعظم عمران خان، صدرمملکت عارف علوی اور دیگر حکومتی عہدے داروں سے بھی ملکہ میکسیما کی ملاقات کا امکان ہے۔

خیال رہے کہ اس سے قبل وہ فروری 2016 میں بھی پاکستان کا دورہ کرچکی ہیں۔