تجربہ کار، سفارتکار منیر اکرم نے اقوام متحدہ میں پاکستان کے مستقل مندوب کی حیثیت سے اپنی نئی ذمہ داریاں سنبھال لیں ہیں۔

تفصیلات کے مطا بق عہدے کا چا رج سنبھالنے کے بعد اپنے بیان میں منیر اکرم کا کہنا ہے کہ پاکستان کو اس وقت کئی چیلنجز کا سامنا ہے، پاکستان کشمیریوں کے حق خودارادیت کی اصولی حمایت جاری رکھے گا۔

پاکستان کے مستقل مندوب نے بتایا کہ اقوام متحدہ میں بھارتی جارحیت اور کشمیر میں اسکے ریاستی مظالم اجاگر کریں گے،پاکستان خطے میں تمام پڑوسی ممالک کے ساتھ امن کا خواہاں ہے تاکہ اقتصادی و سماجی ترقی پر توجہ دی جا سکے ۔

منیر اکرم کا کہنا ہے کہ پاکستان عالمی اور علاقائی امن و سلامتی، تخفیف اسلحہ اور موسمیاتی تغیر پر اپنی کوششیں جاری رکھے ،اسلام دشمن بیانیوں کے تدارک اور کرپشن اور منی لانڈرنگ کے خلاف عالمی کوششوں میں تیزی بھی ترجیحات میں شامل ہیں۔

واضح رہے کہ اقوام متحدہ میں پاکستان کے مستقل مندوب منیر اکرم نے 1967ء نے پاکستان کی فارن سروس میں شمولیت اختیارکی تھی۔
منیر اکرم برسلز اور ٹوکیو سمیت کئی ممالک میں پاکستان کے سفیر کی حیثیت سے بھی خدمات سرانجام دے چکے ہیں۔

یا د رہے کہ منیر اکرم سے پہلے ملیحہ لودھی اقوام متحدہ میں پاکستان کی مستقل مندوب تھیں ، انھوں نے فروری 2015 میں اقوام متحدہ میں اپنی ذمہ داریاں سنبھالیں اور پھر ستر برسوں میں پاکستان کی جانب سے اقوام متحدہ میں مستقل مندوب کی ذمہ داری نبھانے والی پہلی خاتون سفارتکار کا بھی اعزاز حاصل کیا۔

وزیراعظم پا کستان عمران خان کے کامیاب دورہ امریکہ کے دوران ان کی کارکردگی کو سب نے تسلیم کیا جبکہ سلامتی کونسل میں وزیراعظم کے تاریخی خطاب میں بھی انہی کی کوششیں تھیں ۔