پاکستان پیپلزپارٹی کےچئیرمین بلاول بھٹوزرداری کاکہناہے کہ بھٹو کےپاکستان میں طاقت کاسرچشمہ عوام ہیں، بینظیربھٹونےعوامی راج کیلئےقربانی دی۔

لاہور میں پیپلزپارٹی کنونشن سے خطاب کرتے ہوئے بلاول بھٹو کاکہناہے کہ پارٹی نےدیکھاکس طرح ہمارے2قائدین کو ہم سےچھیناگیا،آج عوام آزادہےنہ صحافت اورنہ سیاست،یونین کیلئےاحتجاج کرنیوالےطلباپرمقدمات درج کیےجاتےہیں، طلبہ اسٹوڈنٹ یونین کیلئےاحتجاج کرتےہیں توان پرایف آئی آرکاٹی جاتی ہے۔

انہوں نے کہاکہ بے نظیربھٹو کولیاقت باغ میں شہید کیاگیا،27 دسمبر کوشہید محترمہ بے نظیر بھٹو کی برسی لیاقت باغ میں منائیں گے۔

بلاول بھٹونے کہاکہ آج کےپاکستان میں کوئی آزادنہیں، احتجاج تودورکی بات،عوام تومرضی کاٹوئٹ بھی نہیں کرسکتی، جہاں شفاف الیکشن نہیں ہوسکتےوہاں کیسےآزادی ہوسکتی ہے۔

پیپلزپارٹی چئیرمین نے کہا کہ 2002میں بھی عوام سےعوامی راج کااختیارچھیناگیا،2007میں بھی صدرزرداری نےکہاتھااعتراضات کےباوجود حکومت بنارہےہیں ،دھاندلی کےخلاف ہم مسلسل احتجاج کررہےہیں،

ان کاکہنا تھا کہ جس جمہوریت میں الیکشن کی بجائےسلیکشن ہو،وہ آمریت ہے،کیااس کےبعدعوام دھاندلی اورسلیکشن والےانتخابات کوقبول کرےگی؟

بلاول بھٹو کاکہناتھاکہ آئندہ ہم صرف صاف وشفاف الیکشنزکومانیں گے،2018میں سب سےپہلےآپکی جماعت نےاسمبلی میں کہاتھاآپ الیکٹڈنہیں سلیکٹڈہو،ہم نےنہ پہلےآمریت قبول کی،نہ آئندہ کریں گے۔