امریکی خلائی تحقیقاتی ادارے(ناسا) نے چاند کی سطح پربھارت کاگرکرتباہ ہونے والاخلائی مشن کا سراغ لگالیا۔ بھارتی خلائی مشن کے ٹکڑے چاند پرتلاش کرلیےگئے۔

تفصیلات کےمطابق رواں سال 7 سمتبر کو بھارت کی چاند پر اترنے کی دوسری کوشش بھی ناکام ہوگئی اور خلائی مشن کا رابطہ چاند پر لینڈنگ سے چند منٹ پہلے منقطع ہوگیا تھا۔

The #Chandrayaan2 Vikram lander has been found by our @NASAMoon mission, the Lunar Reconnaissance Orbiter. See the first mosaic of the impact site https://www.bolnews.com/urdu/pakistan/2019/12/335278/amp/ pic.twitter.com/jaW5a63sAf

— NASA (@NASA) December 2, 2019

بھارتی خلائی مشن چندریان ٹو سے موصول ہونے والے سگنل چاند پرلینڈنگ سے چند منٹ قبل منقطع ہوگئے تھے۔ خلائی مشن وکرم لینڈر کا چاند کی سطح سے 2.1 کلومیٹر کے فاصلے پر رابطہ منقطع ہوا تھا۔

ناسا کی جانب سے چاند کی سطح پر گر کر تباہ ہو نے والے بھارتی خلائی مشن کے ٹکڑے تلاش کر لیے گئے ہیں۔

ناسا کی جانب سے جاری تصاویر میں خلائی مشن کے ٹکرانے اورکئی کلومیٹر دور تک 2 درجن جگہوں پر بکھرے حصوں کو دکھایا گیا ہے۔

وفاقی وزیرسائنس وٹیکنالوجی فواد چوہدری نےکہاہے کہ بھارت خلائی آلودگی کا بہت بڑا ذریعہ بنتا جا رہا ہے، بھارتی غیر ذمہ دارانہ خلائی مشن ماحول کیلئے خطرناک ہے۔

Advertisement

India is becoming a huge source of Space debris, irresponsible space missions of India are dangrous for whole eco system, needs serious notice by Int organizations

— Ch Fawad Hussain (@fawadchaudhry) December 3, 2019

وفاقی وزیر نےعاملی تنظیموں سے مطالبہ کرتے ہوئے کہا کہ عالمی تنظیموں کو بھارت کے اس اقدام کا سخت نوٹس لینا چاہیے۔

بھارت کاچاندپررسائی کادوسرامشن بھی ناکامی سےدوچار،مودی مایوس لوٹ گئے

خیال رہے کہ بھارتی وزیراعظم نریندر مودی نے 27 مارچ کو اعلان کیا تھا کہ بھارت نے اینٹی سٹیلائٹ میزائل کا کامیاب تجربہ کیا ہے جس کے تحت میزائل کے ذریعے خلاء میں سٹیلائٹ کو کامیابی سے نشانہ بنایا گیا اور اس مشن کو ‘شکتی مشن’ کا نام دیا گیا۔

ناسا کےچیف نےبھارت کے تجربے پر ناسا ٹاؤن ہال میں میٹنگ کے دوران کہاتھا کہ چاند کی سطح پربھارتی تجربے کے نتیجے میں 400 ٹکڑے دیکھے گئے ہیں جس میں 60 بڑے ٹکڑے بھی شامل ہیں جب کہ 24 ایسے ٹکڑے ہیں جو انٹرنیشنل اسپیس اسٹیشن سے بھی بڑے ہیں۔