جعلی اکاؤنٹس میں گرفتار آصف زرداری کی طبی بنیادوں پر ضمانت کیلئے اسلام آباد ہائیکورٹ میں درخواست دائر کر دی گئی ہے۔

تفصیلات کے مطابق آصف زرداری اور انکی ہمشیرہ فریال تالپور کی بھی ضمانت پر رہائی کیلئے درخواست دی گئی ہے۔

ذرائع کے مطابق چیف جسٹس کی سربراہی میں دو رکنی سپیشل بینچ آج دونوں درخواستوں کی سماعت کرے گا۔

اسپتال زرائع کے مطابق آصف زرداری کی کمر اور گردن کے درد میں بہتری آئی ہے جبکہ ان کی خصوصی تھراپی بھی جاری ہے۔

اسپتال زرائع کے مطابق سابق صدر کا بلڈ پریشر نارمل ہے جبکہ شوگر تاحال کنڑول نہ ہو سکی جبکہ شوگرلیول پر ہے تاہم سابق صدر کے آج کلینکل ٹیسٹ کئے جائے گے۔

وکیل فاروق ایچ نائیک کے ذریعے دائر الگ الگ درخواستوں میں وفاق اور نیب کو فریق بناتے ہوئے موقف اختیار کیا گیا ہے۔

نیب کی جانب سے فراڈ کے الزام میں گرفتاری کو 5 ماہ سے زائد کا عرصہ گزر چکا ہے لیکن نیب کچھ ثابت نہ کرسکا اور درخواست گزار کو جیل حکام کے رحم و کرم پر نہیں چھوڑا جاسکتا۔

آصف زرداری سے متعلق کہا گیا کہ درخواستگزار مختلف قسم کی بیماریوں کے شکار ہیں اور انہیں 24 گھنٹے طبی امداد کی ضرورت ہوتی ہے۔

استدعا ہے کہ عدالت طبی حالات کی سنگینی کے پیش نظر درخواست ضمانت منظور کرے۔

ذرائع کے مطابق فریال تالپور کی درخواست میں موقف اختیار کیا گیا ہے کہ وہ ایک سپیشل بچی کی ماں ہیں اور اس کی دیکھ بھال کیلئے ضمانت پر رہائی کی منظوری دی جائے۔

واضح رہے کہ سابق صدرآصف زرداری کی طرف سے 2 جبکہ فریال تالپور کی طرف سے ایک ریفرنس میں ضمانت بعداز گرفتاری کی درخواستیں دی گئی ۔