عوام کی مرضی چلے گی، امپائر کی مرضی نہیں چلے گی یہ کہنا تھا پیپلز پارٹی کے چیئرمین بلاول بھٹو زرداری کا کہ طاقت کا سرچشمہ صرف عوام ہیں ، کوئی کٹھ پتلی حکومت قبول نہیں کی جائیگی ۔

تفصلات کے مطابق بلاول ہاؤس میں ورکرز کنونشن سے خطاب کرتے ہوئے بلاول بھٹو زرداری نے کہا ہے کہ حکومت کون کرے گا یہ فیسلہ کرنے کا اختیار عوام کو ہونا چاہیے، جمہوریت کے لیے آخری دم تک لڑنے کے تیار ہیں۔

 چیئرمین پیپلزپارٹی بلاول بھٹو کا کراچی میں ورکرز کنونشن سے خطاب کے دوران کہا کہ اس سال بینظیربھٹو کا یوم شہادت روالپنڈی میں منانے کا تاریخی فیصلہ کیا ہے، روالپنڈی  میں کھڑے ہوکر بینظیر بھٹو کا پیغام عوام کو دہرائیں گے۔

انہوں نے مزید کہا ہے کہآج اگر جمہوریت پر حملے ہورہے ہیں تو یہ بی بی کے کارکنوں پر حملہ ہے۔

مہنگائی پر بات چیت کرتے ہوئے بلاول نے اپنے خطاب میں کہا کہ ملک کا ہر طبقہ پریشان ہے لیکن اگر عوامی حکومت ہوتی تو عوام کے مفاد میں کام کرتی۔

انہوں نے بتایا کہ پیپلز پارٹی واحد جماعت ہے جس نے ضیاء اور مشرف کی آمریت کا مقابلہ کیا ہے اور جب تک عوامی حکومت قائم نہیں ہوگی عوام پستے رہیں گے۔

انکا کہنا تاھ کہ پیپلز پارٹی عوام کو ریلیف دلانا چاہتی ہے۔

اس سے قبل یوتھ ونگ سندھ کے صدر معاون خصوصی جاوید نایاب لغاری نے خطاب کرتے ہوئے کہا تھا کہ پیپلز پارٹی نے لاکھوں نوجوانوں کو نوکریاں دی اور اب بھی مطالبہ کروں گا ان کو روزگار دیا جائے، نوجوان پیپلز پارٹی کا سرمایہ ہیں انہوں نے ہر موڑ پر پارٹی کے احتجاج میں ساتھ دیا ہے۔

انکا کہنا تھا کہ ایم آر ڈی ہو یا ضیاء کی آمریت یا مشرف کی آمریت نوجوان پیپلز پارٹی کے ساتھ ہیں۔

یاد رہے کہ لاول ہاؤس میں ورکرز کنونشن آج ہورہا ہے جس میں سندھ بھر کے ورکرز نے شرکت کی ہے جبکہ جنرل ورکرز اجلاس 4 بجے شروع ہوا تھا۔