وزیراطلاعات پنجاب فیاض الحسن چوہان نے کہاہے کہ شریف فیملی کانیاکارنامہ سامنے آگیاہے، شریف فیملی نےنثاراحمد گل اورملک نامی افراد کے نام پہ گڈ نیچر کمپنی بنائی۔

تفصیلات کے مطابق فیاض الصن چوہان نے نیوز کانفرنس کرتے ہوئے کہا کہ گڈ نیچر کمپنی کے اکاؤنٹ میں یہ پیسہ رکھا جاتا تھا اور پھر یہ پیسہ ہنڈی کے ذریعے باہر جاتا تھا۔

 انہوں نے بتایا کہ شریف خاندان کی جانب سےلندن میں بیٹھ کر بھی چوربازاری اور کرپشن کی حوالے سے عوام کو گمراہ کرنے کی کوشش کی جا رہی ہے۔

انہوں نے بتایاکہ پنجاب سپیڈ نے سی ایم سیکرٹریٹ کے تقدس کو بھی پامال کیا۔ نیب اس کیس کو فالو کر رہا ہے، اس لیے یہ لندن میں بیٹھ کرچیخ رہے ہیں۔

شریف خاندان پر تنقید کرتے ہوئےصوبائی وزیراطلاعات نے کہاکہ شریف فیملی نے آنہ، روپیہ اور دھیلا کی قسمیں کھا کھا کرپاکستانی قوم کے کان پکا دیے ہیں،لندن میں آپ موجود ہیں مہنگے ہوٹلوں میں جا رہے ہیں تو اس ڈیوڈ روز کو بھی مل لیں جس نے شہباز شریف کو کفن چور قرار دیا ہے اور اپنے آرٹیکل میں انھیں ڈاکو کاسربراہ قرار دیا ہے۔

 انہوں نےبتایاکہ ڈیوڈ روڈ روزشہباز شریف کو کارروائی کا کہہ رہا ہے، اگر شہباز شریف کے پاس مہنگا وکیل کرنے کے پیسہ نہیں ہے تو میری جائیداد بیچ کر وکیل کریں اور اسکے خلاف ہتک عزت کا دعویٰ کریں۔