شیخ رشید احمد نے اپنے حالیہ بیان میں آرمی چیف کی مدت ملازمت سے متعلق بات کرتے ہوئے کہا ہے کہ آرمی چیف کی مدت ملازمت میں توسیع کے لیے سادہ اکثریت چاہیے، پی ٹی آئی اور ہمارے پاس سادہ اکثریت موجود ہے، 6 ماہ بہت ہیں، میرا نہیں خیال کوئی رکاوٹ آئے گی۔ 

تفصیلات کے مطابق وفاقی وزیر برائے ریلوے شیخ رشید احمد کا کہنا ہے کہ نواز شریف بطور مجرم باہر جا سکتا ہے تو آصف زرداری کا بھی بطور ملزم باہر جانے کا حق بنتا ہے۔

شیخ رشید احمد نے پی پی پی کے چیئر پرسن بلاول بھٹو زرداری سے متعلق بات کر تے ہوئے کہا کہ بلاول جم جم آوے، ہم اس کے راستے میں پلکیں بچھائیں گے۔

وزیرریلوے نےکہا کہ فضل الرحمٰن جس دسمبر کی بات کرتے ہیں وہ کس سال کا دسمبر ہے پتہ نہیں۔

وفاقی وزیر نے مقبو ضہ کشمیر سے متعلق کہا کہ کشمیر پر زیادہ جدوجہد کرنی چاہیے،وہاں ظلم و ستم ہو رہا ہے۔

ان کا کہنا تھا کہ پرویز مشرف کو غدار نہیں سمجھتا، ان سب نے مشرف سے حلف لیا ہے۔