آرمی چیف جنرل قمر جاوید باجوہ نے کہا ہے کہ سانحہ اے پی ایس کو بھلایا نہیں جاسکتا، سانحہ میں ملوث 5 دہشتگردوں کو پھانسی دی گئی۔

تفصیلات کے مطابق آرمی چیف نے سوشل میڈیا پر جاری کیے گئے اپنے پیغام میں کہا کہ شہدا اور ان کے اہل خانہ کو سلام پیش کرتے ہیں، قوم نے دہشتگردی کو شکست دینے کیلئے لمبا سفر طے کیا، پاکستان کی امن و سلامتی کیلئے متحد ہو کر آگے بڑھیں گے۔

“APS carnage will never be forgotten. Five of the involved terrorists have been hanged through military courts. Salute to martyrs and their families. We have come a long way in failing terrorism as a nation. United we move towards lasting peace and prosperity of Pakistan”, COAS. pic.twitter.com/Swv1ocF3gO

— DG ISPR (@OfficialDGISPR) December 16, 2019

جنرل قمرجاوید باجوہ کا کہنا ہےکہ ملک کےدہشت گردوں کو شکست سے دوچار کیا، مختلف آپریشنز کے خلاف دہشت گردی کے ناسور کو ختم کیا، ہم بحیثیت قوم دہشت گردی کو شکست دیں گے۔

واضح رہے کہ سانحہ آرمی پبلک سکول کے شہدا کی پانچویں برسی آج منائی جا رہی ہے ۔

سانحے میں شہید ہونے والے اپنے پیاروں کی یاد میں والدین اور پوری قوم کی آنکھیں آج بھی پرنم ہیں،اس دن کی مناسبت سے ملک بھر میں خصوصی دعائیہ تقریبات انعقاد ہوگا ، شہدا کی روح کو ایصال ثواب کے لئے فاتحہ اور قرآن خوانی کا اہتمام بھی ہوگا۔

سولہ دسمبر 2014ء کا دن، تاریخ میں سیاہ ترین دن کے نام سے یاد کیا جاتا ہے۔

معصوم ننھے شہداوں کی پانچویں برسی

اس دن سفاک دہشت گردوں نے پشاور کے آرمی پبلک اسکول میں وحشت اور بربریت کی انتہا کر دی اور 149 گھروں میں صف ماتم بچھا دی گئی۔

سانحہ اے پی ایس نے ملک سمیت دنیا بھر کے کروڑوں انسانوں کی آنکھوں کو نم کر دیا، پانچ سال پورے ہونے کے بعد آج بھی بچھڑنے والوں کا غم اسی طرح تروتازہ ہے۔

شہدا میں ایک پرنسپل اور 16 سٹاف ممبرز سمیت 132 طلبہ شامل تھے۔

آرمی پبلک سکول شہدا کے والدین سانحہ کے نفسیاتی اثرات سے نہیں نکل سکے، دسمبر کا مہینہ آتے ہی ان کا غم دوبارہ لوٹ آتا ہے، 16 دسمبر کے ہولناک سانحے میں شہید ہونے والے منوں مٹی تلے سو گئے لیکن ان کی یادیں آج بھی پہلے دن کی طرح تازہ ہیں۔