دفتر خارجہ کی ترجمان نے کہا ہے کہ چین میں مقیم طلباء اوردوسرے پاکستانی محفوظ ہیں، یوہان شہر میں موجود پاکستانی طلبہ سے رابطے میں ہیں۔

اسلام آباد میں بریفنگ دیتے ہوئے ترجمان دفتر خارجہ عائشہ فاروق نے کہا کہ چینی حکام سے رابطے میں ہیں آج بھی چینی سفیر کے ساتھ دفترخارجہ میں فارن سیکریٹری کی ملاقات ہوئی ہے۔

ترجمان دفتر خارجہ نے کہا ہے کہ چین میں موجود کوئی پاکستانی کرونا وائرس سے متاثر نہیں ہوا ہے۔

ترجمان نے پاکستانی کمیونٹی کے ساتھ مکمل تعاون کی یقین دہانی کراتے ہوئے ان سے وائرس سے بچاؤ کے لئے تمام حفاظتی اقدامات پر عمل کی درخواست کی ہے۔

ترجمان نے یوہان میں موجود پاکستانی طلبہ اور طالبات سے کہا ہے کہ وہ سفارت خانے سے رابطے میں رہیں اوروہ ویب سائٹ پر خود کو رجسٹر کروائیں،چین میں پاکستانی طلبہ کے والدین سے رابطہ کرنے کی کوشش کررہے ہیں،طلبہ سفارت خانے کے ویب سائٹ پر موجود نمبرز پر رابطہ کرسکتے ہیں۔

واضح رہے کہ کرونا وائرس کے باعث ووہان میں 12 جامعات کے 2 ہزار سے زائد پاکستانی طلباء و طالبات خوراک کی قلت کا شکار ہیں، انہوں نے پاکستان سے اپیل کی ہے کہ وزیراعظم پاکستان اور وزارت خارجہ آفت زدہ صوبے سے نکلنے میں مدد کریں۔

طلبہ کا ویڈیو بیان میں کہنا تھا کہ کرونا وائرس کے باعث یوہان کا چین سے رابطہ منقطع ہوچکا ہے، یوہان میں 12 جامعات کے 2 ہزار سے زائد پاکستانی طلباء و طالبات خوراک کی قلت کا شکار ہیں، وزیراعظم پاکستان اور وزارت خارجہ آفت زدہ صوبے سے نکلنے میں مدد کریں۔

کرونا وائرس سے متاثرہ ووہان صوبے کی جامعات میں پڑھنے والے طالبعلموں کا تعلق پنجاب، سندھ اور خیبرپختونخوا سے ہے.