ہائے مہنگا ئی،روٹی بھی عوام کی پہنچ سے دور ہو تی جا رہی ہے۔

تفصیلات کے مطابق ملک بھر میں آٹے کی قیمت میں اضافہ کر دیا گیا ہے،پاکستان کے سب سے بڑے شہر کراچی میں 10 کلو آٹا660 روپے سے 700 روپے میں فروخت ہو رہاہے۔

سال نو کا تحفہ،آٹا بھی مہنگا

ذرائع کے مطابق گزشتہ پانچ ماہ میں 10 کلو آٹا ڈھائی سو روپے تک مہنگا ہوا۔

سندھ کے دوسرے بڑے شہر وں جیسے حیدرآباد میں بھی آٹے کی قیمت تاریخ کی بلند ترین سطح پر پہنچ چکی ہے، حیدر آباد میں چند روزمیں 10 کلو آٹےکا تھیلا 640 روپے کا ہو گیاہے۔

اس کے علا وہ پا کستان کے دل لاہور میں چکی ایسوسی ایشن نے آٹا 70 روپے فی کلو فروخت کرنے کا اعلان کر دیا ہے،فیصل آباد میں سرکاری کوٹے پر آٹا چکیوں کوگندم کی فراہمی بند ہوگئی ہے۔

بلو چستان کے شہرکوئٹہ میں 20 کلو آٹے کا تھیلا 11 سو روپے میں فروخت ہو رہا ہے تا ہم افسوس نا ک با ت یہ ہے کہ سوات کے علاقے کانجو میں 6 روپے میں ملنے والی سستی روٹی بھی بند ہو گئی۔