وزیراعظم عمران خان کی زیر صدارت اعلیٰ سطح کا اجلاس اسلام آباد میں ہوا۔

اجلاس کے  متعلق اعلامیہ جاری ہوا ہے جس کے کے مطابق اجلاس میں آرمی چیف جنرل باجوہ، معاون خصوصی معید یوسف، ڈی جی آئی ایس آئی شریک جبکہ سیکرٹری خارجہ اور سینئر عسکری اور سول حکام بھی شریک ہیں۔

اعلیٰ سطح  کے جلاس کے جاری کردہ اعلامیے کے مطابق اجلاس میں مقبوضہ کشمیر کی تازہ صورتحال کا جائزہ لیا گیا جبکہ وزیراعظم عمران خان نے اجلاس سے خطا کرتے ہوئے کہا ہے کہ پاکستان کشمیریوں کی بلاتفریق  سیاسی، اخلاقی اور سفارتی حمایت جاری رکھے گا۔

وزیراعظم کا کہنا تھا کہ کشمیریوں کو حق خودارادیت ملنے تک ان کی حمایت جاری رکھیں گے۔

پاک بحریہ کے سربراہ سے امریکی سفیر کی ملاقات

اعلامیے کے مطابق اجلاس کے شرکاء کا کہنا ہے کہ بھارتی حکومت مسلمانوں اور کشمیریوں کی مخالف ہے کیونکہ آر ایس ایس سے متاثرہ بھارتی حکومت ہندوتوا مائنڈ سیٹ رکھتی ہے جبکہ شرکا کی جانب سے سیکیورٹی کونسل میں مسئلہ کشمیر اٹھانے کو سراہا بھی گیا ہے۔

اعلامیے میں 5 فروری کو یوم یکجہتی کشمیر بھرپور طریقے سے منانے کا فیصلہ کیا گیا ہے ۔

کور کمیٹی نے آرمی چیف کی مدت ملازمت کا معاملہ پارلیمنٹ میں خوش اسلوبی سے حل ہونے کا خیر مقدم کیا اور کہا ہے کہ موجودہ حالات کا تقاضا تھا کہ آرمی چیف کی مدت ملازمت میں توسیع ہو۔

کور کمیٹی کو اتحادیوں کے تحفظات، مطالبات اور وفود سطح کی ملاقاتوں پر بریفنگ دی گئی اور بتایا گیا کہ تمام اتحادی بے فکر ہو جائیں ان کے تمام مطالبات پورے ہوں گے۔

دوسری جانب کور کمیٹی کا مہنگائی کم کرنے کے لئے ہنگامی اقدامات اٹھانے کا فیصلہ بھی کیا گیا ہے۔

خیال رہے کہ اس سے قبل وزیراعظم عمران خان سے آرمی چیف جنرل قمر جاوید باجوہ سے ملاقات ہوئی ہے۔

ذرائع کے مطابق ملاقات میں ملکی سیکیورٹی صورتحال کے حوالے سے تبادلہ خیال کیا گیا جبکہ پاک فوج کے پیشہ وارانہ امورکے حوالے سے  گفتگو بھی کی گئی۔

واضح رہے کہ اس سے قبل پاک فوج میں بڑے عہدوں پر تقرریاں اور تبادلے کر دیئے گئے ہیں، میجرجنرل آصف غفور کو عہدے سے ہٹا کر میجر جنرل بابر افتخار کو نیا ڈی جی آئی ایس پی آر تعینات کردیا جبکہ میجر جنرل آصف غفور کو جی او سی اوکاڑہ مقرر کیا گیا۔

بعد ازاں سابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر اپنے پیغام میں کہا اپنے دور میں جن کے ساتھ منسلک رہا، ان تمام لوگوں کا شکریہ، میڈیا کا خصوصی طورپر شکریہ اداکرتا ہوں، پاکستانیوں کے پیار، تعاون کاجتنا شکریہ کروں کم ہے، نئے ڈی جی آئی ایس پی آرکی کامیابی کیلئے دعا گو ہو۔