وفاقی وزیرمراد سعید نے کہاہے کہ راناثناپران کی پارٹی کی قیادت الزام لگاتی آئی ہے،سانحہ ماڈل ٹاون کا واقعہ ہم نے خود ٹی وی اسکرینوں پر دیکھاہے۔

قومی اسمبلی میں مرادسعید کااظہار خیال کرتے ہوئے کہناتھا کہ پیر کوشہریار آفریدی آکر اے این ایف کا موقف دیں گے۔ابھی معاملہ عدالت میں زیر بحث ہے ، لیکن یہاں تقریریں جھاڑی جاتی ہیں۔

مرادسعید نے کہا کہ آپ کو یہاں اپنی بات کرنے کی بجائے عوامی اور قانون سازی کی بات کرنی چاہیے،ایک رانا ثنا کا موقف اوردوسرا اے این ایف کا موقف ہے،تصاویر کے دو رخ ہیں، ہم نے اے این ایف کا موقف بھی سنا ہے۔

مراد سعید نےکہا کہ کوئی قرآن پاک ایوان میں لاکر گفتگو کریں تو اسے سوچنا چاہیئے کہ ہم حلف اٹھاکریہاں آتے ہیں۔

قومی اسمبلی میں اظہار خیال کےدوران مراد سعید نے بتایا کہ رانا ثنا اللہ کے اوپر سوالات ہم نے نہیں اٹھائے بلکہ 1992ء میں ان کی پارٹی  شریف برادران نے قائم کیا تھا،عابد شیر علی اور ان کے والد نے قتل کے الزامات لگائے۔

وفاقی وزیر نے کہا کہ کالعدم تنظیموں سے متعلق الزامات بھی ہم نے نہیں لگائے،ماڈل ٹاؤن کیس میں جو بچی ہاتھ اٹھا اٹھا کر سوال اٹھاتی رہی، کیا وہ سچ نہیں تھا۔

مریم اورنگزیب پر عمران خان کا خوف سوار ہے، مراد سعید

راناثنا اللہ کےالزامات کا اسمبلی میں بھرپور جواب دیتے ہوئے مراد سعید نے کہا کہ اے این ایف نے بیگ اورکپڑے تک نکال کران سے پوچھابھی تھا کہ کیا یہ آپ کا ہے ؟ اس وقت انہوں نے ہاں میں جواب دیا تھا۔

مراد سعید نےمزید کہاکہ ہم انصاف پر یقین رکھتے ہیں، ہم سماجی انصاف سے لے کر عدالتی انصاف چاہتے ہیں، تحریک انصاف کی بنیادصرف انصاف پر ہے۔