وزیراعظم عمران خان کے رواں ماہ ملائیشیا کے دورے کا امکان ہے۔ 

تفصیلات کے مطابق وزیراعظم عمران خان کے رواں ماہ ملائیشیا کے دورے کا امکان ہے،اس دورے کے دوران عمران خان ملائیشین ہم منصب مہاتیر محمد سے ملاقات کریں گے۔ 

یادرہے کہ گذشتہ سال مارچ میں ملائیشین وزیراعظم مہاتیر محمد تین روزہ دورے پر پاکستان پہنچے تھے۔

 ملائیشین وزیراعظم مہاتیر محمد کا نور خان ایئربیس پر وزیراعظم عمران خان نے شانداراستقبال کیا اور مہمان کے اعزاز میں اکیس توپوں کی سلامی دی گئی۔

ملائیشین وزیراعظم نے گزشتہ سال عمران خان کیلئے پروٹون 70 گاڑی کا تحفہ بھی بھیجا ۔

ملائشیا کے قونصل خانے میں 16 دسمبر کو گاڑی دینے کی تقریب کا انعقاد کیا گیا۔

مہاتیرمحمد نےدورۂ پاکستان میں وزیراعظم عمران خان کو پروٹون گاڑی تحفے میں دینے اور پاکستان میں پروڈکشن پلانٹ لگانے کا اعلان کیا تھا۔