حکومت  نے اپنی اتحادی جماعتوں کے تحفظات دور کرنے کا فیصلہ کرلیا ہے۔

تفصیلا ت  کے مطابق  وفاقی حکومت نے اتحادی جماعتوں سے رابطے کے لیے کمیٹی تشکیل دے دی ہے جو ان کے تحفظات سنے گی۔

وزیراعظم  عمران خان نے ایم کیو ایم سمیت اتحادیوں  کے  تحفظات دور کرنے کے لیے اعلیٰ سطحی سیاسی کمیٹی تشکیل دے دی۔

تشکیل کردہ کمیٹی  کی وزیر دفاع پرویز خٹک  سربراہی کریں گے۔ شاہ محمود قریشی سمیت اراکین قومی اسمبلی و سینیٹ کمیٹی میں شامل ہوں گے۔

کمیٹی اتحادیوں کے تحفظات اور مطالبات سنے گی، کمیٹی اتحادیوں اور وزیراعظم کے درمیان پل کا کردار ادا کرے گی۔

کمیٹی کی  تشکیل کے بعد وزیر اعظم  کا کہنا تھا کہ  اتحادیوں سے کیے گئے وعدے پورے کیے جائیں گے۔

واضح   رہے کہ  کمیٹی مزاکرات کے بعد رپورٹ وزیراعظم کو پیش کرے گی۔