شہباز شریف لندن میں اپنے بھائی نواز شریف کے علاج کے سلسلہ میں مقیم ہیں۔

تفصیلات کے مطابق گزشتہ روز شہباز شریف ہوا خوری اور ذہن کی تروتازگی کیلئے لندن کے ایک نامور ریسٹورنٹ میں گئے جہاں عوام نے نا صرف انکا والہانہ استقبال کیا بلکہ ان کی مختلف لوازمات سے تواضع بھی کی۔

کلپ میں دیکھا جا سکتا ہے کہ شہبا ز شریف اس مو قع پر نہایت خوشگوار موڈ میں سب کے ساتھ سیلفیاں بھی لے رہے ہیں۔

اس شخص کا بھائی بہت شدید بیمار ہے اور لندن میں اسکا علاج ہو رہا ہے-اسکی جان کو خطرہ ہے اور یہ صاحب Bar میں خوش گپیوں میں مشغول ہیں – باقی آپ خود سمجھدار ہیں pic.twitter.com/pPx0CINKEj

Advertisement

— Khurram Nawaz Gandapur (@GandapurPAT) January 29, 2020

دوسری جانب شہباز شریف کی اس ریسٹورنٹ میں آمد کا یہ کلپ سوشل میڈیا پر وائرل ہو گیا ہے اور دنیا بھر سے سوشل میڈیا صارفین  شہبازشریف کو شدید تنقید کا نشانہ بھی بنارہےہیں۔

سوشل میڈیا پر لو گو ں کی اکثریت کا کہنا ہے کہ مسلم لیگ ن کے رہنما شہبازشریف اپنے بھائی اور سا بق وزیر اعظم کا علاج کروانے لندن گئے ہیں لیکن ایک ریسٹورنٹ میں بیٹھ کر عیاشیاں کرتے نظر آرہے ہیں۔

ایک صارف نے تو یہ بھی لکھ دیا کہ  شہباز شریف بیماربھائی نواز شریف کیلئے ڈاکٹر کی ہدایت پر شہد لینے لندن کے اک بار میں بابا جی کے پاس آئے ہیں۔

جہا ں بے پناہ تنقید ہو رہی ہے وہیں سوشل میڈیا پر ن لیگی کارکنوں نے شہبازشریف کے دفاع میں ان کی تعریف کی اور کہا کہ ہمیں اپنے قائد پر فخر ہے، ہمارے قائد عوام میں گھل مل گئے ہیں۔