شیخ رشید کا کہنا ہے کہ مہنگائی کے جن کو بوتل میں عمران خان کی قیادت میں بند کریں گے۔

تفصیلات کے مطابق وفاقی وزیر ریلوے شیخ رشید نے کہا کہ نہ وزیراعظم عمران خان کہیں جا رہے ہیں نہ ہی وزیراعلیٰ پنجاب عثمان بزدار، اتحادی جماعتیں موجودہ حکومت کیساتھ کھڑی ہیں

وزیراعظم کا دورہ لاہور، ناراض اراکین سے ملاقات کریں گے

وفاقی وزیر ریلوے کا کہنا ہے کہ قوم کو شریفوں، زرداریوں اوران کے ایجنٹوں سےخطرہ ہے،حکومت کو کوئی خطرہ نہیں افواہیں پھیلائی جارہی ہیں۔

جو وزیراعلیٰ پنجاب سے ناراض ہیں وہ جلد مان جائیں گے۔ جو کرپٹ ہوگا وہ عمران خان کی کیبنٹ میں نہیں رہے گا۔

انھوں نے کہا کہ ہم سے غلطیاں اور کوتاہیاں ہوئی ہیں،کوئی عمران خان کی دیانت داری پر انگلی نہیں اٹھا سکتا ہے، عمران خان کی ایمانداری کی قسم کھا سکتا ہوں، ملک میں سب سے بڑی زیادتی ووٹر کے ساتھ ہوتی ہے۔

وفاقی وزیر نے راولپنڈی میں آئی ٹی یونیورسٹی بنانے کا اعلان کرتے ہوئے مزید کہا کہ راولپنڈی وہ واحد شہر ہوگا جس میں چار یونیورسٹیاں ہوں گی،اپنے حلقے والوں سے کئے وعدے پورے کروں گا۔