نئے چیف الیکشن کمشنر سکندر سلطان راجہ نےاپنے عہدے کا حلف اٹھا لیا ہے۔

تفصیلات کے مطابق چیف جسٹس آف پاکستان جسٹس گلزار احمد نے نو منتخب چیف الیکشن کمشنر سے ان کے عہدے کا حلف لیا ۔

سکندر سلطان راجہ چیف الیکشن کمشنر مقرر

ذرائع کے مطابق حلف برداری کی تقریب سپریم کورٹ آف پاکستان میں ہوئی ، چیف الیکشن کمشنر سکندر سلطان راجہ حلف اُٹھانے کے بعد الیکشن کمیشن کے 2 نئے ارکان نثار درانی اور شاہ محمد جتوئی سے بھی حلف لیں گے۔

سکندر سلطان راجہ پانچ سال کیلئے چیف الیکشن کمشن مقرر ہوئے ہیں، صدر مملکت کی توثیق کے بعد ان کی تقرری کا نوٹیفیکشن جاری کیا گیا تھا۔

واضح رہے کہ چیف الیکشن کمیشن سردار رضا خان 6 دسمبر 2019کو ریٹائر ہوئے تھے اور ان کی جگہ جسٹس (ر) الطاف قریشی قائم مقام الیکشن کمشنر کے فرائض سرانجام دے رہے ہیں۔