ایف آئی اے سائبر کرائم سیل نے غیر ملکی خواتین کو بلیک کرنے والے انتہائی شاطر ملزم عفان ندیم کو گرفتار کر لیا ہے۔

تفصیلات کے مطابق ملزم عفان ندیم نے ایرانی اور افغانی خواتین کو حراساں کیا اور اس مقصد کےلئے اس نے فیس بک اور انسٹاگرام پر 150 سے زائد جعلی اکاؤنٹ بنا رکھے تھے۔

نوشہرہ: بچی سے زیادتی کرنےوالےملزم کا انکشاف

ذرائع کے مطابق شا طر ملزم اپنی شناخت چھپانے کے لئے لوکل نمبر کے بجائے وی پی این نمبر استعمال کرتا تھا۔

ملزم عفان ندیم ایک موبائل فون پر 8 واٹس اپ استعمال کر رہا تھا جبکہ فیس بک کے گروپ کے ذریعے فیملی ٹری اور اس کا موبائل ڈیٹا لے لیتا تھا اور خواتین کو بلیک میل کرتا تھا۔

ایف آئی اے حکام کے مطابق ملزم ایسی ٹیکنالوجی بھی استعمال کرتا تھا جس سے چیٹ ایڈٹ ہو جاتی تھی اور سی ایل آئی بھی تبدیل کی جا سکتی ہے۔

ملزم خواتین کے اکاؤنٹ ہیک کر کے بھی ان کی تصایر نکال کر بلیک میل کرتا تھا۔

ایف آئی اے نے ملزم کو میر پور خاص سے گرفتار کیا۔

ایف آئی اے حکام کے مطابق ملزم راولپنڈی کا رہائشی ہے اور ایف آئی اے کے ڈر سے ڈیڑھ سال سے ایک کمرے میں چھپا ہوا تھا۔

واضح رہے کہ ملزم سے مزید تفتیش جاری ہے۔