آصف زرداری کو ایک نئی مشکل کا سامنا ہے کیو نکہ ایک اور ملزم حسین فیصل جاموٹ میگا منی لانڈرنگ کیس میں نیب کا گواہ بن گیا ہے۔

تفصیلات کے مطابق سا بق صدر آصف زرداری کے خلاف میگا منی لانڈرنگ کیس میں سید حسین فیصل جاموٹ  نیب کا نیا گواہ بن گیا جبکہ کرن امان ، نورین سلطان اوراسلم مسعود پہلے ہی نیب کے گواہ بن چکے ہیں۔

سابق صدر آصف علی زرداری راولپنڈی سے  کراچی پہنچ گئے

ذرائع کے مطابق میگا منی لانڈرنگ اور پارک لین ریفرنس کی سماعت احتساب عدالت راولپنڈی میں ہوئی۔

فریال تالپور اورعبد الغنی مجید سمیت دیگر ملزمان عدالت میں پیش ہوئے۔

سابق صدرآصف زرداری بیماری کے باعث عدالت میں پیش نہ ہوئے جبکہ ملزم انور مجید کو کراچی سے عدالت پیش نہیں کیا جا سکا۔

واضح رہے کہ حسین فیصل جاموٹ کے وعدہ معاف گواہ بننے سے متعلق رپورٹ احتساب عدالت میں پیش کر دی گئی ہے۔

میگا منی لانڈرنگ کیس میں سا بق صدر آصف زرداری،ان کی ہمشیرہ فریال تالپور اور عبدالغنی مجید سمیت دیگر ملزمان نامزد ہیں۔

گزشتہ سال مئی کے مہینے میں قومی احتساب بیورو نے میگا منی لانڈرنگ کیس میں سابق صدر اور پیپلزپارٹی کےشریک چیئرمین آصف علی زرداری کے خلاف ضمنی ریفرنس دائر کرنے کا فیصلہ کیا تھا۔