وزیراعظم کی معاون خصوصی برائے اطلاعات فردوس عاشق اعوان کی خون دینے کی نمائشی تصویرپرسوشل میڈیا صارفین کی جانب سےشدید تنقید کی گئی ہے۔

تفصیلات کے مطابق فلاحی ادارے کے اہلکاروں کی جانب سے سوشل میڈیا پرمعاون خصوصی کی خون دیتے ہوئے تصویر اپ لوڈ کی گئی جس کے کیپشن میں لکھا گیا کہ فردوس عاشق اعوان تھیلیسیمیا کے مریضوں کیلئے خون عطیہ کر رہی ہیں۔

تاہم فردوس عاشق اعوان سوشل میڈیا پرتنقید کی زد میں اس لیے آئیں کہ  ان کے ہاتھ پر جو ڈرپ پائپ موجود ہے وہ سرنج کے بغیر ہے تو پھر بوتل میں خون کہاں سے آیا؟

فردوس عاشق اعوان جعلی خون کا عطیہ دیتے ہوئے قوم کو چونا لگا رہی pic.twitter.com/z50Qy7qO79

Advertisement

— Haqeeqat TV (@Haqeeqat_TV) January 19, 2020

فلاحی ادارے میں کی گئی معاون خصوصی کی فوٹو شوٹ کی سوشل میڈیا پر تنقید کو لے کر فردوس عاشق اعوان نےجواب دیتے ہوئے کہا کہ فاؤنڈیشن میں تھیلیسیمیا کے بچوں کے خون کے عطیات کے حوالے سے آگاہی کمپین کا اجراء کرنا تھا،اسی ضمن میں میڈیا کوریج ہوئی جس کی تصاویر اور فوٹیج کو میڈیا کے بعض حصوں اور سوشل میڈیا پر گمراہ کن انداز سے پیش کیا جانا انتہائی افسوسناک ہے۔

معاون خصوصی سے خون دینے کی نمائشی تصویر کے حوالے سے سوال پوچھا گیا جس پر انہوں نے بتایا کہ وہ ایک فوٹو شوٹ تھا جس پر منفی پروپیگنڈا کرکے مذاق اڑایا گیا۔

فردوس عاشق اعوان نےمزیدکہاکہ ہمیں کم از کم سماجی محاذ پر دکھی انسانیت کیلئے اٹھائے گئے اقدامات کو سیاست کی نذر نہیں کرنا چاہیے۔