مولانا فضل الرحمن نے کہا ہے کو حکومت گھر جا چکی ہے، اس وقت خلاء ہے، حکومت کی کوئی رٹ نہیں۔

تفصیلات کے مطابق جمعیت علمائے اسلام (ف) کے سربراہ مولانا فضل الرحمٰن نےحکومت کےخلاف احتجاجی تحریک کے اگلے مرحلے کا اعلان کرتے ہوئے کہا کہ حکومت تو گھر جاچکی ہے، اس کی کوئی رٹ نہیں ہے۔

ماضی کی حکومت سے زیادہ اچھا کام کر رہے ہیں

لاہور میں میڈیا سے بات کرتے ہوئے مولانا فضل الرحمن نے کہا کہ مہنگائی کی وجہ سے عوام کا جینا محال ہو گیا، بجلی، گیس اور پٹرول سمیت ہر چیز کی قیمتیں بڑھ رہی ہیں، عام آدمی مہنگائی کے ہاتھوں پس چکا ہے، عوام کو ساتھ ملا کر قابل حکومت کے لیے کوشش کریں گے۔

مولانا فضل الرحمٰن نے کہا کہ اپوزیشن سے ابھی جلسوں اور کنونشن کے لیے رابطہ نہیں کیا، مسلم لیگ ن اور پیپلز پارٹی آنا چاہیں تو خوش آمدید کہیں گے لیکن ہم خود انہیں دعوت نہیں دیں گے۔

جمعیت علمائے اسلام (ف) کے سربراہ نے کہا کہ بڑی سیاسی جماعتوں کی پالیسیوں سے اپوزیشن تقسیم ہوئی جس کا حکومت نے فائدہ اٹھایا، مولانا فضل الرحمن نے 23 فروری کو کراچی اور یکم مارچ کو اسلام آباد میں مارچ کا اعلان کیاہے۔