وزیرِ اعظم عمران خان نے کہا ہے کہ بے سہارا، غریب اور نادار لوگ ریاست کی ذمہ داری ہیں۔

تفصیلات کے مطابق وزیراعظم  عمران خان سے حال ہی میں مقرر کیے گئے فوکل پرسن برائے پناہ گاہ نسیم الرحمن کی ملاقات ہوئی۔

ملاقات میں وزیر اعظم کے ویژن کے تحت ملک بھر میں قائم شدہ پناہ گاہوں کے نظم و نسق میں مزید بہتری کے لیے مشاورت کی گئی جبکہ آئندہ بارہ ماہ میں پناہ گاہوں کےدائرہ کار کی ملک بھر میں توسیع کے حوالے سے مجوزہ اقدامات پر گفتگو کی گئی۔

وزیراعظم عمران خان نے عوام کی مشکلات کا احساس کرتے ہوئے کمزور طبقات کے تحفظ کےلئے اور ایک فلاحی ریاست کے قیام کے تصور کو عملی جامہ پہنانے کیلئے پناہ گاہوں کے دائرہ کار کی ملک بھر میں توسیع کا فیصلہ کیا ہے۔

وفاقی حکومت کا آئی جی سندھ تبدیل کرنے کا فیصلہ

وزیراعظم   نے یہ بھی کہا کہ  آئندہ بارہ ماہ کے لئے  پناہ گاہوں کے حوالے سے ایک جامع پروگرام کا آغاز ملک کے بڑے شہروں میں کیا جا رہا ہے، فوکل پرسن آفس  کثیرا لجہتی شراکت داری قائم کرنے کے حوالے سے بھی اقدامات لے گا۔

عمران خان کا کہنا تھا کہ نجی شعبے کی جانب سے پناہ گاہوں کی تعمیر میں بڑھ چڑھ کر حکومت کا ساتھ دینا  ہمارے معاشرے کی  مثبت اقداراورانسانی ہمدردی کے جذبے کی عکاسی کرتا ہے ۔

وزیراعظم  عمران خان نے فوکل پرسن برائے پناہ گاہ نسیم الرحمن سے ملاقات میں مزید کہا کہ عالمی سطح پر بہترین طریقہ کار اور پائیدار ترقی کے اہداف کو سامنے رکھتے ہوئے پناہ گاہوں کو وسعت دی جائے گی۔