صدر مملکت عارف علوی نے کہا ہے کہ پاک فضائیہ نے بھارتی جہاز گرا کر بھارتی فوج کے غرورکو خاک میں ملایا ہے، 27 فروری کو پاکستان نے بھارت کو واضح پیغام دیا کہ ملک کی طرف میلی آنکھ سے دیکھنے والوں کونیست ونابود کردیاجائے گا۔

اسلام آباد میں سیمینار سے خطاب کرتے ہو صدر عارف علوی نے کہا کہ کشمیر برصغیر کی تقسیم کانامکمل ایجنڈا ہے، آر ایس ایس کے انتہا پسند ایجنڈے نے گاندھی کو قتل کیا۔

صدر پاکستان کا کہناتھا کہ اقوام متحدہ دنیا میں امن کے نظریے کے تحت وجود میں آیا۔ انہوں نے کہا کہ پاکستان جمہوری تحریک اور اقدار کی بنیاد پر وجود میں آیا،پاکستان میں دہشتگردی کے خاتمے پرمسلح افواج کو خراج تحسین پیش کرتے ہیں۔