مظفرگڑھ کے وسط میں تین منزلہ عمارت زمین بوس ہوگئی ہے۔

عمارت کے نیچے متعدد افراد کے دبنے کی اطلاعات موصول ہوئی ہیں جبکہ اب تک موجودہ ہلاکتوں کی تعداد 4 ہوگئی ہے، مزید ہلاکتوں کا بھی خدشہ ظاہر کیا جارہا ہے۔

واقعے کی اطلاع پر ریسکیو کا عملہ موقع پر پہنچ گیا ہے جبکہ امدادی آپریش جاری ہے۔

حادثے میں زخمی ہونے والے 5 افراد کو بھی ڈی ایچ کیو ہسپتال مظفرگڑھ منتقل کیا گیا ہے۔

وزیراعلیٰ پنجاب سردار عثمان بزدارکا مظفر گڑھ میں عمارت گرنے کے باعث قیمتی انسانی جانوں کے ضیاع پر گہرے دکھ او رافسوس کااظہار کیا ہے۔

وزیراعلیٰ پنجاب نے انتظامیہ کو ہدایت کی ہے کہ زخمی افراد کو علاج معالجہ کی بہترین سہولتیں فراہم کی جائیں۔

وزیراعلیٰ نے افسوسناک واقعہ کے بارے میں انتظامیہ سے رپورٹ طلب کر لی گئی ہے۔