وزیراعظم عمران خان نے کہا ہے کہ حکومت ریلوے کی بہتری کے لئے اقدامات کریں گی۔

لاہور میں وزیراعظم اور وزیر ریلوے میاں شیخ رشید کے درمیان ملاقات ہوئی ہے جبکہ ملاقات میں سیاسی صورتحال اور ریلوے کے امور پر بات چیت ہوئی۔

وزیر ریلوے شیخ رشید نے وزیراعظم کو ایم ایل ون اور کراچی سرکیولر ریلوے پر بریفنگ دی۔

شیخ رشید نے وزیراعظم سے درخواست کی کہ ریلوے ملازمین کی پنشن اور تنخواہوں کا بوجھ وفاقی حکومت برداشت کرے کیونکہ ریلوے کو پاوں پر کھڑا کرنے میں دو سے تین سال لگ سکتے ہیں۔

مہنگائی سے ستائی عوام کے لئیے بڑی خوشخبری

وزیر ریلوے نے کہا ہے کہ ایم ایل ون پاکستان کے تقدیر بدل دے گا جبکہ وزیراعظم نے وزیر ریلوے کو ہر ممکن مدد فراہم کرنے کا یقین دلادیا۔

ملاقات میں شیخ رشید نے ریلوے کی بہتری کے لئے کہا ہے کہ ریلوے کے منافع کو بڑھانے کے لئے اقدامات کررہے ہیں۔

وزیراعظم نے ہدایت جاری ک ہے کہ ریلوے ٹرینوں کو ریجن کی بہترین مسافر سروس کو بنایا جائے

انہوں نے شیخ رشید سے کہا مزید کہا کہ ایم ایل ون کی راہ میں کوئی رکاوٹ حائل نہیں ہونے دیں گے۔

شیخ رشید نے کراچی سرکلر ریلوے ٹریک کے حوالے سے بھی عمران خان کو بریفنگ دی جبکہ عدالت کی ہدایت پر تجاوزات کے خلاف آپریشن کے حوالے سے کیے گئے اقدامات کے بارے میں بھی آگاہ کیا ہے۔

واضح رہے کہ گذشتہ سال پاکستان اور چین کے درمیان ریلوے کے معاہدے ایم ایل ون پر دستخط ہوئے تھے۔

وزیراعظم عمران خان اور چین کے وزیر اعظم لی کی چیانگ کی موجودگی میں وزیر ریلوے شیخ رشید احمد اور چینی وزیر ریلوے نے ایم ایل ون معاہدے پر دستخط کیے تھے۔

اس موقع پر وزیر ریلوے شیخ رشید احمد نے کہا تھا کہ آج پاکستان میں ریلوے کی تاریخ کا بڑا دن ہے۔

ایم ایل ون منصوبے کے تحت پشاور سے کراچی تک ڈبل ٹریک بنایا جائے گا جب کہ نئے ٹریک پر ٹرین کی اسپیڈ کم از کم 160 کلومیٹر فی گھنٹہ کی رفتار ہو گی۔