وزیراعظم عمران خان نے کہا ہے کہ اقوام عالم بھارتی بربریت کا فوری نوٹس لیں اور اپنا فرض نبھائیں۔

تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ بھارت میں قتل عام  پر  وہ موسیقار جنہوں نے فروغِ امن کو اپنی زندگی کا نصب العین بنائے رکھا اگر وہ بھی ہندوستان میں جاری قتل و غارت گری پر آواز بلند کرنے لگ جائیں تو دنیا پر بیداری واجب ہوجاتی ہے۔

جب وہ موسیقار،کہ جنہوں نے فروغِ امن کو اپنی زندگی کا نصب العین بنائے رکھا، بھی ہندوستان میں جاری قتل و غارت گری پر آواز بلند کرنے لگ جائیں تو دنیا پر بیداری واجب ہوجاتی ہے۔اقوام عالم اپنا فرض نبھائیں اور بھارتی بربریت کا فوری نوٹس لیں۔ تاریخ کے صحیح رخ پر کھڑا ہونے کا یہی وقت ہے۔ https://www.bolnews.com/urdu/pakistan/2020/02/650478/amp/

— Imran Khan (@ImranKhanPTI) February 27, 2020

اپنے پیغام مٰیں وزیراعظم عمران خان  نے مزید  کہا کہ وقت آگیا ہے کہ اقوام عالم اپنا فرض نبھائیں اور بھارتی بربریت کا فوری نوٹس لیں،یہ  تاریخ کے صحیح رخ پر کھڑا ہونے کا یہی وقت ہے۔

واضح رہے کہ بھارتی  دارالحکومت نئی دہلی میں متنازع شہریت کے قانون کے خلاف احتجاج کے دوران ہونے والے فسادات میں ہلاکتوں کی تعداد 32ہوگئی ہے۔

نئی دہلی میں فسادات، ہلاکتوں کی تعداد 32 ہوگئی

بھارتی میڈیا کے مطابق بھارتی  دارالحکومت نئی دہلی میں فسادات کے باعث ہلاکتوں کی تعداد 32 ہوگئی ۔پولیس کی جانب سے 106 افراد کو گرفتار  بھی کیا گیا ہے جبکہ 18 افراد کے خلاف ایف آئی آر درج کی گئی ہے ۔

مقامی حکام کا کہنا ہے کہ زخمیوں میں سے متعدد کی حالت نازک ہے اور ہلاکتوں کی تعداد میں اضافہ ہو سکتا ہے۔

نئی دہلی کی سڑکوں پر پولیس کی سرپرستی میں انتہا پسند ہندوؤں کا راج ہے۔ مسلح جتھوں نے مسلمانوں کی دکانیں اور گھر نذر آتش کردیے جبکہ متعدد مساجد کو  بھی شہید کردیا  گیا ہے۔

دوسری جانب  بھارتی کانگریس کی صدر سونیا گاندھی کا کہنا تھا کہ وزیر داخلہ امیت شاہ کو فرائض میں غفلت برتنے پر برطرف کردینا چاہیے ۔دہلی اور مرکزی حکومت صورتحال پر خاموش تماشائی بنی ہوئی ہے۔

انہوں نے مزید کہا تھا کہ خوفناک تشدد نے فرقہ وارانہ رخ اختیار کرلیا ہے ۔صدر اپنے اختیارات کا استعمال کرتے ہوئے صورتحال کنٹرول کریں ۔