چوہدری شوگر مل کیس میں احتساب عدالت میں نواز شریف کے وکیل نے ان کی تازہ ترین میڈیکل رپورٹس جمع کروا دی ہے۔

عدالت نے سا بق وزیر اعظم نواز شریف کی حاضری سے استثناء کی درخواست منظور کرلی۔

عدالت میں نواز شریف کے وکیل امجد پرویز کی جانب سے ڈاکٹر ڈیوڈ لارنس کی رپورٹ جمع کروائی جس کے بعد ان کی حاضری سے استثناء کی درخواست منظور کرتے ہوئے کیس کی سماعت 28 فروری تک ملتوی کردی گئی ۔

لاہور کی احتساب عدالت میں چوہدری شوگر مل کیس کی سماعت ہوئی جس میں نواز شریف کے وکیل کا کہنا تھا کہ نواز شریف کی طبیعت تاحال نا ساز ہے، علاج معالجہ جاری ہے،وہ صحت یاب ہوتے ہی ٹرائل کا سامنا کریں گے۔