وزیر اعظم عمران خان ایک روزہ سرکاری دورے پر قطر پہنچ گئے۔

وزیر اعظم عمران خان نے قطر کے امیر شیخ تمیم بن حماد الثانی سے جمعرات کو یہاں قطر کے دیوان امیری میں ملاقات کی۔

وزیر خارجہ شاہ محمود قریشی، معاون خصوصی برائے اوورسیز سید ذوالفقار عباس بخاری بھی وزیر اعظم کے ہمراہ تھے۔

دیوان امیری آمد پر قطر کے امیر نے وزیر اعظم اور ان کے وفد کا خیر مقدم کیا۔

قطری امیر تمیم بن حماد الثانی کو ملاقات میں مقبوضہ کشمیرکی صورتحال سےآگاہ کیا جبکہ وزیراعظم عمران خان نے کہا کہ عالمی برادری کشمیر کی صورتحال کا نوٹس لیں۔

وزیراعظم نے امیر قطرکو مقبوضہ کشمیر کی صورتحال سے آگاہ کیا، عمران خان نے کہا مقبوضہ کشمیر میں پانچ اگست سے لاک ڈاؤن اور کرفیو نافذ ہے

دوسری جانب ملاقات میں خطے کی صورتحال پر  بھی بات چیت بھی کی۔

قبل ازیں قطر پہنچے تو وزیر توانائی سعد شریدہ الکعبی نے وزیر اعظم اور ان کے وفد کا استقبال کیا۔

وزیر اعظم  عمران خان   کی دوست ملک کے سرمایہ کاروں سے  اہم ملاقاتیں ہوں گی، مختلف شعبوں میں دوطرفہ تعاون کےفروغ پر بات چیت  کی جائے گی، تجارت اور ایل این جی سمیت توانائی کے شعبے میں تعاون بڑھانے پر بھی  تبادلہ خیال ہوگا جبکہ قطر کو افرادی قوت کی فراہمی کا معاملہ بھی زیربحث آئے گا۔