ملک بھر میں آج یوم پاکستان انتہائی سادگی سے منایا جا رہا ہے، وزیراعظم عمران خان نے اس دن کی مناسبت سے جاری کردہ اپنے پیغام میں پاکستانی عوام سے اپیل کی ہے کہ عوام ہیجان کا شکار نہ ہوں۔

وزیراعظم عمران خان کا کہنا ہےعالمی وبا کی روک تھام سے متعلق اقدامات کی نگرانی خود کر رہا ہوں،عوام سےاپیل ہے وہ ہیجان کا شکار نہ ہوں اور احتیاطی تدابیراختیار کریں۔

وزیراعظم نے مزید کہا کورونا وائرس سے نمٹنے کیلئے قوم میں اتحاد، نظم وضبط ضروری ہے، حکومت کے پاس مشکل پر قابو پانے کی مکمل صلاحیت موجود ہے۔

انہوں نے کہا کشمیریوں کی اخلاقی ،سیاسی اورسفارتی حمایت جاری رکھیں گے۔