شہباز شریف نے چین کے وزیراعظم اور چینی صدر کو خط لکھا ہے ۔

مسلم لیگ ن کے صدر اور قومی اسمبلی میں اپوزیشن لیڈر میاں محمد شہباز شریف نے چین کے وزیراعظم لی ی چیانگ اور چینی صدر شی جن پنگ کو خط  میں کورونا وائرس کے خلاف جنگ جیتنے پر مبارکباد پیش کی ہے۔

انہوں نے خط  میں لکھا  کہ آپ نے پاک چین اقتصادی راہداری (سی پیک) کی صورت میں بھی پاکستان کی مدد کی، مشکل کی اس گھڑی میں چین کی جانب سے طبی سازو سامان کی مدد پر شکریہ ادا کرتا ہوں۔

خط میں اپوزیشن لیڈر کا مزید کہنا تھا کہ چین کی مدد سے قیمتی جانیں بچیں گی اور کورونا کے خلاف جنگ میں مدد ملے گی، پاک چین دوستی پر تمام پاکستانیوں کو فخر ہے، چین ہر گھڑی کا ساتھی ہے۔