کرونا وائرس اور ٹڈی دل کی روک تھام اور تشخیص کے لیے چین سے 12 ہزار کرونا ٹیسٹنگ کٹس پاکستان پہنچ گئی ہیں۔

تفصیلات کے مطابق چین کی جانب سے ارسال کردہ امدادی سامان  لے کر خصوصی کارگو طیارہ کراچی  پہنچ گیا۔کارگو طیارہ سے سامان کارگو شیڈ میں منتقل کیا گیا اور حفاظتی اقدام کے تحت طیارے کو رن وے سے دور پارک کیا  گیا تھا۔

چینی حکام کی جانب سےبتایا گیا ہے کہ امدادی سامان میں 14 پیسٹی سائیڈ اسپریر، 50 ہزار لیٹر میلیتھین کیمیکل بھی شامل ہے، کیمیکل کو ٹڈی دل کی روک تھام کے لیے استعمال کیا جائے گا۔

چینی حکام کا کہنا تھا کہ چین ٹڈی دل کے خاتمے اور کرونا کی روک تھام و تشخیص کے لیے پاکستان سے تعاون جاری رکھے گا۔